QR AShM Agroónerkásiptik keshendegi memlekettik inspektsiia komitetiniń tóraǵasy Almabek Mars elimiz aýmaǵynda shegirtkege qarsy himiialyq óńdeý sharalary týraly aityp berdi, – dep habarlaidy QazAqparat.
«Qazirgi ýaqytta marokko shegirtkesine qarsy himiialyq is-sharalar Jambyl jáne Túrkistan oblystarynda aiaqtalyp qaldy. 2020 jylǵy 28 mamyrdaǵy jaǵdai boiynsha óńdelgen kólemi 66,72 myń gektar nemese boljanatyn kólemniń 71,09 paiyzy. Zertteý jáne óńdeý jumystary jalǵasýda. Almaty, Jambyl, Qaraǵandy jáne Pavlodar oblystary italiandyq prýsqa qarsy qorǵaý sharalaryn ótkizýge kiristi», - dedi komitet tóraǵasy Ortalyq kommýnikatsiialar qyzmetinde.
Onyń sózine qaraǵanda, basqa aimaqtarda shegirtke ziiankesteriniń taralý oshaqtarynyń anyqtalýyna qarai himiialyq óńdeý bastalady.
«Jalpy, shegirtkelerge qarsy kúres máselesi Aýyl sharýashylyǵy ministrliginiń turaqty baqylaýynda», - dedi ol.
Almabek Marstyń atap ótýinshe, qazirgi ýaqytta Afrikada sońǵy 25 jyldaǵy shegirtkeniń eń iri kóshi júrip jatyr. BUU-da jándikterdiń belsendiligi egistikterdiń joiylýyna ári janýarlardyń qyrylýyna, sondai-aq kóptegen elderde jappai ashtyqqa ákeledi dep qaýiptenedi.
BUU-nyń Azyq-túlik jáne aýyl sharýashylyǵy uiymynyń málimetteri boiynsha, shegirtkeniń taralýy Afrikanyń kóptegen aimaqtarynda ashtyqtyń sebebi bolýy múmkin.
Shegirtkelerdiń buryn-sońdy bolmaǵan kóshi Aýǵanstan, Pákistan, Úndistan jáne Ońtústik Shyǵys Aziianyń basqa elderinde baiqalǵan. Budan buryn habarlanǵandai, 2020 jyly 554 myń gektar alańda úiirli shegirtke ziiankesteri taralýy múmkin. Shegirtke ziiankesterimen kúres baǵytynda 38,3 mln gektar alqap zertteletin bolady.
