Foto: gov.kz
Óskemende burynǵy joǵary laýazymdy sheneýnik Jaqsylyq Omarǵa qatysty sot úkimine prokýratýra túsinik berdi, dep habarlaidy Ult.kz.
Qadaǵalaý organynyń málimetinshe, sybailas jemqorlyq qylmystary úshin sottalǵandarǵa raqymshylyq ta, shartty túrde merziminen buryn bosatý da qoldanylmaidy.
Sotta Shyǵys Qazaqstan oblysy ákiminiń burynǵy birinshi orynbasary qyzmetin atqarǵan Omardyń isi qaralyp, ol alaiaqtyq pen para alý faktileri boiynsha kináli dep tanyldy. Tergeý nusqasyna sáikes, aiyptalýshy qyzmettik ókilettigin jeke paidasyna paidalanǵan.
Memlekettik aiyptaýshy eń qatań jaza suraǵan. Nátijesinde sot ony 6 jylǵa bas bostandyǵynan aiyrdy.
Prokýratýra bul qylmystardyń sybailas jemqorlyq sanatyna jatatynyn atap ótip, mundai ister boiynsha raqymshylyq qarastyrylmaitynyn málimdedi.
Qazirgi ýaqytta úkim zańdy kúshine engen joq, taraptar ony apelliatsiia tártibimen qaita qaratýǵa quqyly.
