Foto: Úkimet
Importqa táýeldilikti tómendetý jáne ishki naryqty otandyq taýarlarmen qamtamasyz etý úshin Úkimet qarjylyq qoldaýdyń jańa quraldaryn qoldanady. «Investitsiiaǵa tapsyrys» tetigin engizý jáne «Báiterek» holdingin 1 trln teńgege deiin kapitaldandyrý jónindegi josparlar týraly Premer-ministrdiń orynbasary – ulttyq ekonomika ministri Serik Jumanǵarin habarlady.
Onyń aitýynsha, ekonomikanyń naqty sektory shamamen 8 trln teńge kóleminde qoldaý sharalarymen qamtylady.
Infliatsiianyń sebepteriniń biri bolyp sanalatyn bazalyq taýarlar tapshylyǵyn joiýǵa basa nazar aýdarylady. Qazirgi ýaqytta azyq-túlik sektorynda 12 baǵyt jáne azyq-túlikke jatpaityn sektorda 24 baǵyt aiqyndaldy. 2030 jylǵa deiin «Báiterek» holdinginiń enshiles uiymdary arqyly shamamen $100-120 mlrd somaǵa ónerkásiptik jobalardy qarjylandyrý josparlanýda.
"Ishki naryqty otandyq taýarlarmen júieli túrde qamtamasyz etý úshin «Investitsiiaǵa tapsyrys» baǵdarlamasy júzege asyrylýda. Búginde infliatsiialyq qysymnyń negizgi sebepteriniń biri – tutyný jáne tutyný emes segmentterde otandyq óndiristegi birqatar bazalyq taýarlardyń tapshylyǵy. Bizdiń maqsat – ishki naryqty otandyq óndiris taýarlarymen qamtamasyz etý jáne importqa táýeldilikti tómendetý.
Ekonomikalyq ósýdiń proaktivti saiasaty Memleket basshysy qoiǵan strategiialyq mindetterdiń oryndalýyn qamtamasyz ete otyryp, ekonomikany indýstriialandyrý men ártaraptandyrýdyń negizgi quralyna ainalady", — dedi Serik Jumanǵarin.
