Ekonomikanyń 7 kórsetkishi boiynsha 2 óńir ǵana ósim kórsetti. Bul týraly Úkimet otyrysynda QR Ulttyq ekonomika ministri Áset Erǵaliev aitty, dep habarlaidy QazAqparat.
«7 ekonomikalyq kórsetkish boiynsha óńirlik bólinistegi jalpy jaǵdai mynadai. Barlyq 7 kórsetkish boiynsha oń ósim 2 óńirde – Shymkent qalasy jáne Mańǵystaý oblysynda baiqalady. 6 kórsetkish boiynsha 7 óńirde ósim baiqalady. Olar Aqmola, Aqtóbe, Almaty, Jambyl, Qaraǵandy, Pavlodar jáne Túrkistan oblystary. 7 óńirde 5 kórsetkish boiynsha oń qarqyn tirkeldi. Batys Qazaqstan oblysynda tek 2 kórsetkish boiynsha ósý baiqalady», - dedi Ulttyq ekonomika ministri búgingi Úkimet otyrysynda.
Onyń aitýynsha, saýda jáne kólik boiynsha da jaǵdai jaqsarýda.
«Qostanai jáne Batys Qazaqstan oblystaryn qospaǵanda, barlyq óńirde saýda boiynsha ósim baiqalady. Kólik boiynsha áli de tek 3 óńir oń aimaqta ornalasqan. Bul – Atyraý jáne Mańǵystaý oblystary, sondai-aq Shymkent qalasy», - deidi Áset Erǵaliev.
