Qaraǵandy oblysynda balyqtyń jappai qyrylýyna jol berilmedi, dep habarlaidy "Ult aqparat".
7 shildede balyq sharýashylyǵy komitetiniń Nura-Sarysý oblysaralyq basseindik balyq sharýashylyǵy inspektsiiasynyń qyzmetkerleri Instagram áleýmettik jelisine monitoring júrgizý barysynda Osakarov aýdanyndaǵy Qyzyl Kýt bógeti buzylǵany týraly habarlamany anyqtaǵan.
Vedomstvonyń málimetinshe, bul balyqtardyń qyrylý qaýpin týǵyzady.
«Janýarlardyń qyrylý qaýpi jáne ólimi anyqtalǵan kezdegi ózara is-qimyl syzbasyna sáikes inspektsiia oqiǵa ornyna bardy. Jedel top Qyzyl Kýt bógetiniń janyndaǵy sý qoimasynyń jaǵalaý jolaǵyn tolyq tekserdi, alaida balyqtardyń qyrylýy anyqtalǵan joq. Balyqtyń qyrylýyna jol bermeý maqsatynda ortasha salmaǵy 135 gramm bolatyn 111 dana usaq tuqy (15 kg) aýlanyp, Oshaǵandy ózeniniń arnasyna jiberildi. Qazirgi ýaqytta sý aidynynyń ihtiofaýnasynyń jai-kúiine monitoring jalǵasýda»,- dep málim etti Ekologiia, geologiia jáne tabiǵi resýrstar ministrliginiń baspasóz qyzmeti.
Aita keteiik, Qyzyl Kýt bógeti Osakarov aýdanynyń Krestovka aýylynan 20 shaqyrym qashyqtyqta ornalasqan. Sý aidynynyń aýdany - shamamen 20 ga.
