Foto: ashyq derekkóz
Atyraý oblysynyń Mamandandyrylǵan tabiǵat qorǵaý prokýratýrasy Ekologiia departamentiniń qyzmetkerin sybailas jemqorlyqqa qarsy zańnama talaptaryn buzǵany úshin jaýaptylyqqa tartty, dep habarlaidy Ult.kz.
Atalǵan memlekettik qyzmetker zańda belgilengen tyiymǵa qaramastan, qumar oiyndarǵa qatysqan.
Qadaǵalaý aktisiniń negizinde memlekettik qyzmetke kir keltiretin tártiptik teris qylyq úshin jumystan bosatylǵan.
Sonymen qatar, Ekologiia departamenti basshysynyń orynbasary jáne ekologiialyq baqylaý bóliminiń 7 bas mamandary zańnamany buzǵany úshin ákimshilik jaýaptylyqqa tartylǵan (ÁQBtK-tiń 498- babymen, quqyqtyq statistika jáne arnaiy esepke alý derekterin usynýdan bas tartý, usynbaý, ýaqtyly usynbaý, jasyrý, qosyp jazý jáne basqa da burmalaýshylyqtar).
