Ekologiia ministrligi zańsyz qoqys oryndary boiynsha jedel jelini iske qosty. Bul týraly Twitter-degi paraqshasynda Ekologiia, geologiia jáne tabiǵi resýrstar ministri Maǵzum Myrzaǵaliev habarlady.
Onyń aitýynsha, bul jelige Qazaqstannyń kez kelgen turǵyny óz qalasy nemese aýdanyndaǵy zańsyz qoqys oryndary men derekteri týraly, onyń ishinde, sony rastaityn foto, beinematerialdardy joldai alady.
«Sizdermen, sondai-aq ishki ister departamenti jáne ákimdiktermen birge jaǵdaidy baqylap, sol jerge baryp, shara qabyldaityn bolamyz», - dedi ministr.
Ekologiia ministrligi bir ai ishinde elimizdegi barlyq qoqys poligondaryna tolyqtai monitoring jurgizbek.
10 shildede Úkimettiń keńeitilgen otyrysynda QR Prezidenti Qasym-Jomart Toqaev ekologiia máselesi týraly aita kelip, zańsyz qoqys oryndarynyń problemasyna erekshe nazar aýdardy. Jyl saiyn Qazaqstanda 5 mln tonnadan asa qatty turmystyq qaldyqtar shyǵarylady. Olardy óńdeý kólemi elimiz boiynsha tek 15% qana. Prezident aitqandai, bul jetkiliksiz. Sondyqtan ol Úkimetke jedel túrde zańnamalyq baza ázirlep, «Waste to energy» tehnologiiasyn engizý úshin qolaily investitsiialyq jaǵdai týǵyzýdy tapsyrdy.
Ekologiia ministrliginiń stihiialyq úiindiler boiynsha jedel jelisiniń nómiri: +77759524900.
