Ortalyq kommýnikatsiialar qyzmetinde ótken brifingide QR Ekologiia, geologiia jáne tabiǵi resýrstar ministri Serikqali Brekeshev nege ekologiialyq zardaby az kólik paidalanbai júrgenin túsindirdi, dep habarlaidy QazAqparat.
«Siz Ekologiia ministrligin qyrkúiek aiynan beri basqaryp kelesiz. Is júzinde úsh ai ýaqyt ótti. Biraq qazaqstandyqtar jeke ózińiz usynǵan«jasyl» bastamalaryńyzdy áli kórgen joq. Mysaly, qyzmet barysynda gazben júretin avtokólik paidalanýdy josparlap otyrsyz ba? Nege ministr áriptesterińizge úlgi kórsetpeske?», -dep surady jiynda BAQ ókili.
Vedomstvo basshysy bul másele QR Prezidenti is basqarmasynyń garajyndaǵy kólikterdiń túrine bailanysty ekenin túsindirdi.
«Bizdiń ministrliktiń menshiginde avtokólik joq. Biz paidalanyp júrgen kólik QR Prezidentiniń is basqarmasy garajynan jalǵa alynady. Sondyqtan, eger olarda siz aitqan talaptarǵa sai gazben júretin kólikter bolsa, gazben júretin kólikke nemese «elektrokarǵa» kóshýge daiynbyz. Ázirge bizdiń ministrliktiń menshiginde qyzmettik kólikter joq», - dedi Serikqali Brekeshev.
