Ekologiia, geologiia jáne tabiǵi resrýrstar ministri Maǵzum Myrzaǵaliev Ońtústik Qazaqstan memlekettik qoryq aimaǵynyń aýmaǵynda ýran óndirý jobasy týraly pikir bildirdi, dep habarlaidy QazAqparat.
«Bul jerde áńgime naqty qoryq týraly emes. Joba Ońtústik Qazaqstan memlekettik qoryq aimaǵynyń aýmaǵynda josparlanǵan. Ony «QazAtomÓnerkásiptiń» birlesken kásiporny qolǵa alyp jatyr. Naqty kimmen birlesken kásiporny ekeni esimde joq. Qytai bolýy da múmkin. Óitkeni eki eldiń birlesken kásiporyndary bar. Qazir naqty joba joq. Ol joba bizdiń ekologiia departamentiniń qaraýyna kelip túsedi. Sol kezde bul máseleni jeke qaraýǵa bolady dep oilaimyn», - dep qysqa qaiyrdy ministr.
Atalmysh kezdesýde Maǵzum Myrzaǵaliev Kóbeituzdyń sýy men tuzy adam aǵzasyna qaýip tóndirýi múmkin degen boljam aitty.
«Kóbeituzda byltyr aýdandyq ákimdik kordon qoiǵan. Odan ári qarai kólikpen ótýge bolmaidy. Ekinshiden, taǵy qaitalap aitam, kólge barý adamdardyń densaýlyǵyna qaýipsiz emes», - dedi Ekologiia, geologiia jáne tabiǵi resrýrstar ministri.
