Ekibastuzda joǵalǵan jasóspirimder óli kúiinde tabyldy. Aleksandr men Viacheslavtyń sýǵa batyp ketýi múmkin degen habar «112» jelisine keshe saǵat 20:559-te túsken, dep habarlaidy Pavlodarnews.kz.
VITA Pavlodar qalasynyń izdeýshiler jasaǵy izdeý jumysynyń aiaqtalǵanyn málim etti.
Balalar sýǵa túser aldynda zattaryn qaldyrǵan orynnan on shaqyrymdai jerden tabyldy. Eriktiler balalardyń biri sýǵa bata bastap, al ekinshisi dosyn qutqarýǵa tyrysyp, aqyry ekeýi de kóz jumdy dep boljaidy.
- Otbasylary men jaqyndaryna qaiǵyra kóńil aitamyz, - dep jazdy izdeý jasaǵy Instagram paraqshalarynda.
Eske salaiyq, keshe saǵat 16:00-de 2005 jyly týǵan eki oqýshy Ekibastuzdaǵy jańa kópirdiń janyndaǵy qazanshuńqyrǵa shomylýǵa ketken. Keshki saǵat jeti shamasynda olardyń zattary jaǵadan tabyldy. Izdeýge júzden astam adam qosyldy: politsiia qyzmetkerleri, qutqarýshylar jáne eriktiler.
