Foto: Aleksandr Pavskii/Kazinform
Májiliste shekaralyq eldi mekenderdiń máselesi talqylanyp jatyr. Birinshi bolyp baiandama jasaǵan Májilis depýtaty Jigýli Dairabaev dóńgelek ústelgen qatysýshylarǵa aýyl halqynyń jyldan jylǵa azaiyp bara jatqanyna nazar aýdarýdy surady, dep habarlaidy Ult.kz Kazinform-ǵa silteme jasap.
— Búgingi kúnde elimizde 6208 aýyl bar, al 2023 jyly 6286 aýyl boldy. Sonda tek 2 jyldyń ishinde 80 aýyl joiyldy. Kúni keshe ǵana Memleket basshysy Úkimettiń keńeitilgen otyrysyndaǵy sózinde: aýyldyq aimaqtardy jan-jaqty damytýǵa arnalǵan memlekettik qoldaý sharalarynyń bárin bir baǵdarlamaǵa biriktirý qajettigin basa aitqany barshańyzǵa málim. Sondyqtan osy máseleni talqylap, aýyldardy sonyń ishinde shekara mańyndaǵy aýyldardy damytý boiynsha naqty sheshimderge kelgen jón, — dedi ol.
Al Ulttyq ekonomika ministrliginiń málimeti boiynsha, keiingi on jylda Qazaqstan kartasynan 572 aýyl joiylǵan.
