Qazaqstandyq para taekvondoshylar Tokio-2020 oiyndaryna taǵy 2 joldama jeńip aldy, dep habarlaidy "Ult aqparat" Ulttyq paralimpiadalyq komitetiniń baspasóz qyzmetine silteme jasap.
«Qýanyshty habar Iordaniia astanasynda ótip jatqan Aziia kvalifikatsiialyq jarysynan kelip jetti. Ol jerde qazaqstandyq paralimpiadashylar Nyshan Ómiráli erler arasynda 75 kelide jáne Kámila Aqylbai áielder arasynda 58 kelige deiingi salmaq dárejesinde jeńimpaz atanyp, joldamaǵa ie boldy. Ádettegi jarystarda K-43 sanatynda óner kórsetip júrgen qos sportshymyz da Tokioda paralimpiada oiyndarynyń erejelerine sai K-44 sanatynda baq synamaq», delingen komitettiń habarlamasynda.
Eske sala ketsek, byltyr qańtar aiynda paralimpiadashylar arasynda eń alǵashqy bolyp joldamaǵa ielengen para taekvondoshy Nurlan Dombaev edi. Jalpy esepte Tokioda 3 para taekvondoshymyz baq synamaq.
