Endi «Azamattarǵa arnalǵan úkimet» memlekettik korporatsiiasynyń operatorlary beineqońyraý shalǵan qazaqstandyqtarǵa elektrondyq úkimet portalynda video arqyly keńes bere alady. Egov.kz portaly ekranyndaǵy áreketti bólisý servisin «Ulttyq aqparattyq tehnologiialar» AQ mamandary jasap shyǵardy, dep habarlaidy "Ult aqparat".
Video arqyly keńes berýshi mamannyń kómegin alý úshin paidalanýshy basty bettiń oń jaq tómengi buryshyndaǵy «Virtýaldy assistent» túimesin basýy kerek. Ashylǵan terezede beinekamera belgisin tańdaý qajet. Júie paidalanýshydan beinekamera men mikrofonnyń qosylýyna ruqsat suraidy. Birneshe sekýnd ishinde HQO operatory klientpen bailanysqa shyǵady. Ekrandaǵy áreketti kórsetý úshin qyzmet alýshy «Ekran demonstratsiiasy» túimesin, sodan keiin «Bólisý» batyrmasyn basýy kerek.
Osylaisha, HQO operatory abonenttiń monitoryn kóre alady jáne oǵan egov.kz portalynda kez kelgen qyzmetti, onyń ishinde ETsQ-ny qashyqtan rásimdeýge kómektesip, mobildi azamattar bazasyna tirkei alady.
«Azamattarǵa arnalǵan úkimet» memlekettik korporatsiiasynyń basqarma tóraiymy Ásemgúl Baltashevanyń aitýynsha, ekrandy «bólisý» servisi operator men klienttiń arasyndaǵy bailanysty aitarlyqtai jeńildetti, óitkeni qyzmetterdi usyný protsesinde 1414 telefony arqyly keńes berý tiimdi bolǵanymen, qashanda yńǵaily bola bermeidi. «Buryn bizdiń operatorlar klientten qai siltemeni, qai bólim men qyzmetti ashqanyn únemi surap otyratyn. Endi biz ekranda bolyp jatqanbarlyq áreketti kóre alamyz jáne klientti qandaida bir qyzmetti alý joldary boiynsha birden baǵyttai alamyz. Bul servis azamattarymyzdyń tsifrlyqsaýatyn qashyqtan arttyrýǵa da múmkindik beredi», – dedi ol.
Esterińizge sala keteiik, koronavirýs infektsiiasynyń taralý qaýipiniń saqtalýyna bailanysty, HQO arqyly tek «qaǵaz» júzinde kórsetiletin qyzmetterdi alýǵa bolady. Egov.kz portaly arqyly qoljetimdi qyzmetterdi úiden nemese ákimdikterde, bilim berý jáne meditsina uiymdarynda t.s.s. jerlerde ornalasatyn ózine-ózi qyzmet kórsetý sektorlarynda alý kerek. Memlekettik qyzmetterdi elektrondy túrde alý boiynsha egov.kz portalyndaǵy virtýaldy assistent keńesshileri jáne 1414 biryńǵai bailanys ortalyǵynyń mamandary kómektese alady.
Aita keteiik, qazirgi ýaqytta Qazaqstanda memlekettik qyzmetterdiń 80%-dan astamy elektrondy formatta qoljetimdi.
