Búgin memlekettik organdardyń internet-resýrstarynda, onyń ishinde eGov.kz portaly, «E-litsenziialaý» jáne «Elektrondyq úkimettiń» barlyq komponentterinde problemalar paida boldy, dep habarlaidy "Ult aqparat".
QR UQK Memlekettik tehnikalyq qyzmeti men «Ulttyq aqparattyq tehnologiialar» AQ birlesip, tekserý júrgizdi. Nátijesinde memlekettik sektordyń internet resýrstaryna qatysty memlekettik jáne kvazimemlekettik sektor uiymdarynyń internet-resýrstarynyń qoljetimdiligine bailanysty problemalarǵa alyp kelgen sheteldik internet segmentinen bólingen DDoS-shabýyl tirkeldi.
Shabýyl Qazaqstandyq internet segmentiniń internet-resýrstaryna álemniń 48 elinen 550-den astam IP-mekenjailardan júrgizildi.
«Bul kezeńde resýrstardyń jumysyna shabýyldyń áserin azaitý jáne ony tolyq buǵattaý boiynsha sharalar qabyldanýda. Bul derbes derekterdiń komprometatsiiasy anyqtalmaǵanyn qosymsha habarlaimyz» dep málim etti «Ulttyq aqparattyq tehnologiialar» AQ.
