Pavlodar oblysynyń meditsina qyzmetkerleri álemge áigili Djons Hopkins ýniversitetiniń meditsina mektebiniń ǵylymi qyzmetkerlerinen bilim aldy. Tájiribe almasý vebinar rejiminde ótti, dep habarlaidy "Ult aqparat" Ravlodarnews.kz saityna silteme jasap.
Oblystyq Densaýlyq saqtaý basqarmasynyń málimetinshe, ýaqyttyń úlken aiyrmashylyǵyna qaramastan, taraptar onlain-kezdesý ótkizip, koronavirýs infektsiiasyn emdeýdiń qyr-syryn talqylai aldy. Meditsina ǵylymdarynyń doktory Bendjamin Bodnar pavlodarlyq áriptesterine tromboz qaýpi joǵary patsientterde antikoagýlianttyq terapiia jáne júrektiń ishemiialyq aýrýy, qant diabeti jáne semizdik siiaqty ilespe aýrýlary bar patsientterge qarqyndy terapiia júrgizý týraly aityp berdi.
Djons Hopkins ýniversitetiniń pýlmonologiia jáne reanimatsiia salasyndaǵy ǵylymi qyzmetkeri Rebekka Dezýb sozylmaly ókpe patologiiasy bar naýqastarda ókpeni jasandy jeldetýdiń róli jáne ókpeni jasandy jolmen jeldetýdi júrgizý kezińdegi asqynýlar týraly baiandama jasady. Sonymen qatar, ol COVID-19 emdeýdegi bakteriiaǵa qarsy terapiia tájiribesimen bólisti.
«Vebinarda talqylaǵan keibir máseleler áli kúnge deiin daýly bolyp keledi - bul etiotropty, patogenetikalyq emdeý, tsitokindik daýyl, respiratorlyq jáne bakteriiaǵa qarsy terapiia máseleleri. Meni antikoagýlianttyq terapiia taqyryby qyzyqtyrdy. Men amerikalyq mamandar oǵan qandai kórsetilimder beretinin jáne qandai antikoagýlianttarǵa artyqshylyq beretinin bilgim keldi. Olar biz siiaqty dárilerdi - fraktsiialanbaǵan jáne tómen molekýlaly geparinderdi qoldanatyny belgili boldy», - deidi Pavlodar oblysynyń shtattan tys bas anesteziolog-reanimatology Inna Glovatskaia.
Vebinarǵa meditsina qyzmetkerlerinen basqa Qazaqstannyń San-Frantsiskodaǵy bas konsýly Azamat Ábdiraiymov, Pavlodar oblysy ákiminiń orynbasary Aizada Qurmanova jáne oblystyq Densaýlyq saqtaý basqarmasynyń basshysy Aidar Seiitqazinov qatysty.
«Bizge AQSh-taǵy patsientterdi suryptaý boiynsha triaj-júiesine qandai tásil qajet ekeni qyzyq boldy. Jalpy, mundai tájiribe almasý búginde koronavirýs infektsiiasyn emdeýmen ainalysatyn meditsina qyzmetkerlerimizge paidaly boldy. Biz COVID-19 bar patsientterge meditsinalyq kómekti uiymdastyrý turǵysynan durys baǵytta kele jatqanymyzǵa kóz jetkizdik», - dedi Aidar Seiitqazinov.
Djons Hopkins ýniversiteti – AQSh-tyń Merilend shtatynyń Baltimor qalasynda Djons Hopkins negizin qalaǵan jeke zertteý ýniversiteti. Ýniversitettiń filialdary Qytaidyń Nankin jáne Italiianyń Bolonia qalasynda ornalasqan. 2013 jyly bul JOO álem ýniversitetteriniń akademiialyq reitinginde 17-shi orynǵa ie boldy. Munda ártúrli ýaqytta 36 Nobel syilyǵynyń laýreattary jumys istegen.
Hopkins ýniversiteti búgingi tańda naqty ýaqyt rejiminde koronavirýstyń búkil álemde taralýyn baqylaidy.
