Qoǵamdyq jerlerde koronavirýstan qorǵanýdyń qarapaiym erejelerin ustaný kerek. Bul týraly QR Densaýlyq saqtaý vitse-ministri Liýdmila Biýrabekova málim etti, dep habarlaidy "Ult aqparat".
Onlain tártipte ótken baspasóz máslihatynda koronavirýsty dúkenge barǵanda juqtyryp alý múmkindigi týraly suraldy.
«Koronavirýstyń taralýy jaǵdailary belgili, iaǵni kóbine aýa-tamshyly jolmen juǵady. Shynymen de profilaktika sharalaryn saqtamaǵan kezde infektsiiany juqtyrý qaýpi joǵarylai túsedi. Bul turǵyda maska taǵy, qoldy jii jýý siiaqty qarapaiym talaptardy ustaný kerek», - dedi vitse ministr.
Osy oraida ol qoǵamdyq jerlerde, dúkende eki metr araqashyqtyqty saqtap, maska taǵý qajettigin, sondai-aq qoldy dezinfektsiialaý kerektigin atap ótti.
