Foto: Pexels.com
Dúniejúzilik densaýlyq saqtaý uiymynyń baǵalaýyna sáikes, Qazaqstan ana ólimin azaitý qarqyny boiynsha álemdegi úzdik 10 eldiń qataryna endi, dep habarlaidy Ult.kz.
Keiingi 10 jylda bul kórsetkish turaqty túrde tómendep, 2024 jyly 100 000 tiri týǵan sábige shaqqanda 10,1 jaǵdaidy qurady. Bul jetistikke 25 jańa klinikalyq hattamany engizý, 40-tan astam jetekshi maman qatysatyn telemeditsinalyq konsýltatsiialar jáne asqynǵan jaǵdailar boiynsha respýblikalyq jáne óńirlik saraptamalyq keńester qurý siiaqty keshendi sharalardyń nátijesinde jetti.
Pavlodar, Mańǵystaý jáne Soltústik Qazaqstan oblystarynda 2024 jyly birde-bir ana ólimi tirkelmegenin atap ótken jón. Al bilikti meditsina qyzmetkerleriniń qatysqan bosandyrý úlesi 99,9%-ǵa jetti. Bul elimizde ana men bala densaýlyǵyn qorǵaý isinde júrgizilip jatqan reformalardyń tiimdiligin aiqyn kórsetedi.
