Qazaqstanda koronavirýstan saýyqqandardyń sany syrqattanǵandardyń sanynan basym. Qarasha aiynyń kórsetkishi qazan aiymen salystyrǵanda 1,6 ese kóp, dep habarlaidy QazAqparat.
Bul týraly QR Densaýlyq saqtaý ministri Aleksei Tsoi Úkimet otyrysynda málim etti.
«Respýblikada PTR test qorytyndysy boiynsha koronavirýs infektsiiasynyń 977 714 jaǵdaiy jáne 83 209 teris jaǵdaiy tirkeldi. Naýqastardyń 95%-dan astamy saýyqty. Aýrýdyń reprodýktivtilik sany – 0,92 jáne tamyz aiymen salystyrǵanda 1,2 ese tómendeý baiqalady», dedi Aleksei Tsoi Úkimet otyrysynda.
Sondai-aq, ol búgingi tańda «qyzyl» aimaqta tek Aqmola oblysy turǵanyn atady.
«Sary» aimaqta Qaraǵandy, Qostanai, Pavlodar, Soltústik Qazaqstan jáne Nur-Sultan qalasy bar. Qazaqstan Respýblikasy men 11 óńir jasyl aimaqta ornalasqan.
Respýblikada virýstan saýyqqandardyń sany syrqattanǵandardyń sanynan basym. Qarasha aiynda saýyǵyp shyqqandardyń sany qazan aiymen salystyrǵanda 1,6 ese kóp», - dedi Aleksei Tsoi.
