Koronavirýstyń ekinshi tolqynynda elimizde 50 myńnan astam adam aýrýy múmkin. Bul týraly QR Densaýlyq saqtaý ministrliginiń resmi ókili Baǵdat Qojahmetov «Qazaqstan» Ulttyq telearnasynyń «Ashyq alań» baǵdarlamasynda málimdedi, dep habarlaidy "Ult aqparat".
«Boljamnyń úsh túri bolady: negativ, bolýy múmkin ortasha jáne pozitiv. Qazirgi tańda Densaýlyq saqtaý ministrligi jáne Úkimet negativ boljamǵa daiyn. Eger negativ boljam oryndalatyn bolsa, onda jaqyn arada Qazaqstanda 50 myńnan astam adam indetke shaldyǵýy múmkin. Sondyqtan onyń aldyn alý úshin barlyq emhanany daiyndadyq. Dári tapshylyǵy máselesi búginde sheshildi. Sondai-aq, tumaýǵa qarsy ekpe naýqany biyl eki apta erte bastalady. Iaǵni, 15 qyrkúiekte bastaimyz. Atalǵan jumystyń nátijesi, Densaýlyq saqtaý ministrliginiń paiymdaýynsha, negativ boljamdy joqqa shyǵarady», - deidi QR Densaýlyq saqtaý ministrliginiń resmi ókili Baǵdat Qojahmetov.
Budan buryn habarlaǵanymyzdai, Qazaqstan koronavirýs infektsiiasynyń ekinshi tolqynyna daiyndalyp, meditsinalyq jabdyqtar satyp alyp jatyr.
Qazir 185 meditsinalyq uiymnyń 132-si ǵana rentgen diagnostikalyq apparatymen qamtamasyz etilgen, 2020 jyldyń qazanyna deiin olar 100% jabdyqtalady.
