Aldaǵy ýaqytta Atyraý oblysynda azyq-túlik baǵasy turaqtanady. Bul týraly Ortalyq kommýnikatsiialar qyzmetindegi brifing barysynda Atyraý oblysynyń ákimi Mahambet Dosmuhambetov aitty, dep habarlaidy "Ult aqparat".
«Baǵana retteý máselesin jiti qadaǵalap otyrmyz. Oǵan 1 mlrd teńgeden astam qarjy jumsaldy. Saýda jelilerimen 500 mln teńgege kelisimshart jasaldy. Iaǵni, olar naryqtan 10-15 paiyz arzan satady. 36 saýda núktesinde sút, nan ónimderi, et, nan, kúnbaǵys maiy arzan baǵamen saýdalanýda. Al kókóniske kere bolsaq, kúzde turaqtadyrý qorynqurǵan edi. Aitalyq, onda 260 tonna kartop boldy. Sáýirge deiin turaqtandyrý qory arqyly baǵany retteýge yqpal ettik», - dedi Mahambet Dosmuhambetov.
Onyń atap ótýinshe, qazir maýsymaralyq kezeń bolǵandyqtan sábiz ben kartop baǵasy kóterilip otyr.
«Búginde ońtústik óńirden jáne Reseidiń kórshiles oblystarynan kartop jetkizý is-sharalary qabyldandy jáne baǵa tómendedi. Eger bir apta buryn kartop baǵasy 400 teńge bolsa, qazir ol 310teńgeden saýdalanýda. Sábiz baǵasy da tómendeidi dep kútip otyrmyz. Óitkeni, jańa shyqqan ónim jetkiziledi», - dedi ol.
Sonymen qatar oblys basshysy taiaý ýaqytta azyq-túlik baǵasyn turaqtandyrýǵa ýáde berdi.
«Munan ári ár apta saiyn baǵanyń tómendeitindigin kútemiz. Sebebi ózge óńirlerden jáne Reseidiń kórshiles oblstarynan kartop jetkiziledi jáne ózimizdiń de ónim shyǵady», - dedi oblys ákimi.
