ETs-166/10 mekemesiniń sottalǵandaryna asyǵa kútken kásiptik bilimi týraly diplom tabys etildi.
Nur-Sultan qalasy boiynsha QAJ departmentine qarasty ETs-166/10 mekemesindegi sottalǵandar gaz-elektrmen dánekerleýshi jáne tiginshi mamandyǵy boiynsha bilim ala-alady. Sottalǵandar kásiptik oqytý boiynsha mindetterdi oryndaý maqsatynda Nur-Sultan qalasy ákimdiginiń qurylys-tehnikalyq kolledjinde bilim aldy.
Olar aldymen dánekerleýdiń teoriialyq materialyn, tehnologiiasyn jáne tehnikasyn meńgeredi, elektr jabdyqtaryn, tigý dárejelerin, qaýipsizdik tehnikasyn zerdeleidi, sodan keiin praktikalyq sabaqtarǵa kirisedi.
Sottalǵandar bul mamandyqqa qyzyǵýshylyq tanytty. Óitkeni bul mamandyqtar túzetý mekemesinde de, odan tys jerlerde de suranysqa ie. Sonymen qatar, orta kásiptik bilim alýǵa jáne kásiptik oqýǵa degen oń kózqaras sottalǵan adamnyń túzelý dárejesin aiqyndaý kezinde eskeriledi.
Joǵaryda atalǵan mamandyqtardy igere otyryp, sottalǵandar jazasyn ótegennen keiin jumys istei alady, óitkeni sottalǵandardyń deni buryn júrgizýshi, taksi júrgizýshileri, kýrerler, ekspeditorlar sot sheshimine sáikes ómir boiy júrgizýshi quqyǵynan aiyrylǵandar.
Is-shara sońynda, ETs-166/10 mekemesi bastyǵynyń jalpy suraqtary boiynsha orynbasarynyń mindetin atqarýshy ádilet maiory Arman Toilybaiuly Sharishev Nur-Sultan qalasy ákimdiginiń qurylys-tehnikalyq kolledji basshylyǵyna ózara yntymaqtastyqta is-qimyl jasaǵany úshin, sondai-aq sottalǵandarǵa oqý múmkindigi úshin alǵysyn bildirdi.
