Dini materialdardy zańsyz taratý: Daryn Mýbarov jylyna ekinshi ret jaýaptylyqqa tartyldy

Foto: ashyq derekkóz

Astana qalasynyń Din isteri jónindegi basqarmasy dini materialdardy zańsyz taratqany úshin «ýaǵyzshy» Daryn Mýbarovty jaýapqa tartty, dep habarlaidy Ult.kz.

Aita ketý kerek, buǵan deiin, 2025 jylǵy qazanda ol osyndai áreketi úshin jaýapqa tartylǵan bolatyn. Osylaisha, azamat bir jyl ishinde zań talaptaryn qaita elemedi.

Osy fakt boiynsha DIB qyzmetkerleri Qazaqstan Respýblikasynyń Ákimshilik quqyq buzýshylyq týraly Kodeksiniń 490-baby 8-bóligi boiynsha ákimshilik hattama jasady (osy baptyń 1-bóliginiń 3) tarmaqshasynda kózdelgen quqyq buzýshylyqty ákimshilik jaza qoldanylǵannan keiin bir jyl ishinde qaitalap jasaý).

"Sot sheshimi boiynsha D.Mýbarov ákimshilik quqyqbuzýshylyqty qaita jasaǵany úshin kináli dep tanyldy. Oǵan 200 ailyq eseptik kórsetkish (AEK) mólsherinde aiyppul túrinde ákimshilik jaza taǵaiyndaldy, bul búgingi kúni 865 000 teńgeni quraidy.

Qazaqstan Respýblikasynyń zańnamasyn qatań saqtaýdyń mańyzdylyǵyn jáne dini mazmundaǵy materialdardy taratýdyń belgilengen tártibin buzýǵa jol bermeýdi eske salamyz", - delingen habarlamada.