Aqparat jáne qoǵamdyq damý ministrliginiń tapsyrysy boiynsha daiyndalǵan «MEIRMAN» atty komikste «Jýsan» gýmanitarlyq-operatsiiasy aiasynda elge oralǵan azamattardyń ómiri arqyly dini radikaldy ideologiianyń qaýpi túsindiriledi.

Ekstremizmge qarsy kúres messedjderin óskeleń urpaqqa jetkizý maqsatynda komiks formaty kezdeisoq tańdalǵan joq, sebebi ekstremizmge tózbeýdi mektep qabyrǵasynan bastap damytý qajet.

Dini ekstremizmniń aldyn alý kontentterin ázirleý kezinde ministrlik aýditoriianyń suranysyn eskere otyryp, jastar arasyndaǵy trendterdi paidalaný arqyly oqyrmandarǵa jol tabýda.

Komikste Meiirman esimdi balanyń Siriiadaǵy terroristik belsendilik aimaǵynda basynan ótkizgen qiyndyqtary týraly baiandalady.

Meiirman óziniń tabandylyǵy men myqty rýhynyń arqasynda qiyndyqtar men kedergilerdi jeńe bilip, otbasymen qaýyshyp, týǵan eline oralady.

Týǵan jerinde erjetip, bedeldi azamatqa ainalady.

Bas keiipker Qazaqstannyń táýelsizdik jyldary qol jetkizgen jetistikteri, sonyń ishinde beibitshilik pen turaqtylyqtyń qundylyǵyn atap kórsetedi.

«MEIRMAN» komiksimen TikTok jáne Instagram áleýmettik jelilerinde, sondai-aq internet-portaldarda tanysýǵa bolady.