Foto: D. Zákievanyń áleýmettik jelidegi paraqshasynan
QR Bala quqyqtary jónindegi ýákil Dinara Zákieva Iranda qyzdarǵa arnalǵan mektepke jasalǵan áýe soqqysyna bailanysty pikir bildirip, qaza tapqan balalardyń otbasylaryna kóńil aitty, dep habarlaidy Ult.kz.
"Keshe Iranda qyzdarǵa arnalǵan mektepke jasalǵan áýe soqqysy saldarynan ondaǵan bala qaza taýyp, kóptegen bala jaraqat aldy.
Biz quqyq qorǵaý salasyndaǵy áriptesterimizben birge bul qasiretti oqiǵaǵa qatty kúizeldik.
Mektepter — «beibit aimaqtar», al bilim berý mekemelerine jasalǵan shabýyl halyqaralyq quqyqtyń buzylýy bolyp tabylady.
Balalar — kez kelgen qaqtyǵysta eń osal top. Olar soǵysty tańdaǵan joq, saiasi sheshimder qabyldamaidy jáne eresekterdiń áreketteri úshin jaýapty emes. Alaida eń aýyr zardapty dál solar shegedi. Balalar japa shekpeýi, qorqynysh sezinbeýi tiis.
Qazaqstan árdaiym kelispeýshilikterdi beibit jolmen, kelissózder arqyly, beibitshilik, turaqtylyq jáne qaýipsizdik jolynda retteýdi qoldap keledi.
Biz halyqaralyq qaýymdastyqty balalardy jáne olardyń bolashaǵyn saqtaý úshin dialogqa shaqyramyz.
Bizdiń ortaq mindetimiz — balalarǵa tynysh ári ashyq aspan astynda ómir súrý quqyǵyn qaitarý.
Beibitshilik — árbir balanyń quqyǵy.
Minab qalasyndaǵy mektepte qaza tapqan balalardyń otbasylaryna qaiǵyryp kóńil aitamyz", - dedi ol jelidegi paraqshasynda.
