Elordalyq shahmatshy Dinara Sádýaqasova Bhýbanesvarde (Úndistan) ótken shahmattan jastar arasyndaǵy Álem chempionatynda jeńiske jetti, dep habarlaidy "Ult aqparat" qala ákimdiginiń resmi saityna silteme jasap.
20 jasqa deiingi qyzdar arasyndaǵy álem birinshiliginde 57 sportshy bas júldeni sarapqa saldy.
Chempionat barysynda Dinara Sádýaqasova kósh bastap, 13-tiń ishinen 9,5 ball jinady. Ekinshi orynǵa reseilik, úshinshi orynǵa úndistandyq shahmatshy ie boldy.
FIDE qamqorlyǵymen ótken chempionatty uiymdastyrǵanBhýbanesvar KIIT ýniversitetiniń shahmattan Orissa qaýymdastyǵy.Jarys shveitsariialyq júie boiynsha 13 týrmen ótkizildi. Ziiatkerlik shaiqas eki aptaǵa jalǵasty. Dinara qyzdar arasynda álem chempiony atandy, bul shahmatshylar arasyndaǵy eń mańyzdy ekinshi ataq. Alda jańa jeńister men eń mańyzdy týrnir – áielder arasyndaǵy chempionat bar.
Dinara Sádýaqasova – elimizde shahmattyń damýyna eleýli úles qosqan jas grossmeisterlerdiń biri. Elordalyq H.S. Omarov atyndaǵy shahmat klýbynda bes jasynan bastap tálim alyp júr. Dinara shahmatpen qatar mýzyka mektebiniń fortepiano synybyn úzdik aiaqtap, kórkemdik gimnastikamen shuǵyldanǵan. Shahmatqa birjola bet burǵan ol segiz jasynda álemdik deńgeidegi jarysta top jarady. Dinara Sádýaqasova úsh dúrkin álem chempiony, Aziianyń úsh dúrkin vitse-chempiony jáne Qazaqstan chempionatynyń birneshe dúrkin jeńimpazy.
Ult portaly
