Estrada ánshisi, tanymal mýzykant, Resei Federatsiiasynyń halyq ártisi Aleksandr Serov NTV arnasyndaǵy "Sekret na million" baǵdarlamasyna kelip, burynǵy áieli Elena Stebýnovamen nelikten ajyrasyp ketkeni týraly jáne Dinara Nazarbaeva syilaǵan baǵaly saǵat jaiynda aityp berdi.
Áńgime barysynda ol áieliniń ishimdikke qumar bolǵanyn, kózine shóp salǵanyn jáne urlyq jasaǵanyn da ashyq aitty.
Júrgizýshiniń qolsaǵatqa qatysty oqiǵa týraly suraǵyna ol:
"Qurmetti Nursultan Nazarbaevtyń qyzy Dinara maǵan úlken qorapshaǵa salynǵan erekshe saǵatty syiǵa tartqan bolatyn. Men ony úige alyp keldim. Sosyn ornyna qoidym. Ony barlyǵy kórdi. Lena (burynǵy áieli) asúiden qarap turdy. Mishel de saǵatqa kóz salyp, baǵasyn bilgisi kelip ǵalamtordy ashty. Bir mezette, ol shaýyp kelip: "Áke seniń saǵatyń 310 myń dollar turady" dedi...
Kóp uzamai men gastroldik saparǵa attandym. Al saǵatty seifke tyǵyp qoimai, kabinetimde qaldyryp kettim. Bir aptadan keiin kelsem, saǵat ornynda joq. Soń-soń Mishelden saǵattyń qaida ekenin suradym. Ol anasynyń Ira degen qurbysy kelip, buiymdy áldeqashan satyp alǵanyn aitty. "Qanshaǵa aldy, qalai boldy?" desem, "130 myń dollarǵa aldy-aý deimin" dep jaýap berdi. Sodan áielime: "bul isińdi qalai túsineiin?" dedim. Ol bolsa, "ne boldy, men de jaqsy ómir súrgim keledi" dep jaýap qatty, - dep shyndyǵyn aitty Serov.
