Foto: t.me/consot_kz
Respublica partiiasynyń jetekshisi jańa Konstitýtsiianyń jobasyn referendýmǵa shyǵarýdy usyndy.
Jańa Konstitýtsiianyń jobasy kásibi zańgerlerdiń, ártúrli sala sarapshylarynyń jáne azamattyq qoǵam ókilderiniń uzaq ári júieli jumysy nátijesinde ázirlendi. Bul týraly Konstitýtsiialyq reforma jónindegi komissiianyń segizinshi otyrysynda Májilis depýtaty, «Respublika» partiiasynyń jetekshisi Aidarbek Qojanazarov málimdedi.
Aidarbek Qojanazarov, reformany talqylaý alty aidan astam ýaqyt boiy júrgizilgenine toqtaldy. Osy kezeń ishinde júzdegen, myńdaǵan azamat óz usynystaryn joldady. Komissiia músheleri ǵana emes, jurtshylyq ta bul qujatty qazirgi zaman talaptaryna tolyq jaýap beretin, tereń oilastyrylǵan jáne eldiń uzaq merzimdi damý baǵdaryn aiqyndaityn mańyzdy qujat retinde baǵalap otyr. Soǵan orai ol jańa Konstitýtsiianyń jobasyn referendýmǵa shyǵarýdy usyndy.
«Konstitýtsiialyq komissiianyń múshesi retinde jekelegen baptardyń redaktsiiasy pysyqtalǵannan keiin jańa Konstitýtsiia jobasyn jalpyhalyqtyq daýys berýge – referendýmǵa shyǵarýdy usynamyn», – dedi depýtat.
