Foto: qrnews.kz
Májilis depýtaty Ábýtálip Mýtáli Premer-Ministr Oljas Bektenovke joldaǵan saýalynda Qazaqstandaǵy sel qaýipsizdigi júiesiniń álsiz tustaryn kóterip, shuǵyl sharalar qabyldaýdy surady, dep habarlaidy Ult.kz.
Ol Qasym-Jomart Toqaev kóktemgi selge daiyndyqty kúsheitý týraly tapsyrmasyn eske salyp, qazirgi jumystardyń jetkiliksiz ekenin atap ótti. 2021–2025 jyldary 17 sel tirkelgenimen, táýekelderdi tolyq baǵalaityn naqty derekter joq.
Depýtat injenerlik qorǵanys nysandarynyń az salynýyn, sondai-aq tsifrlyq jáne boljaý júieleriniń damymaǵanyn synǵa aldy. Qazaqstan Ǵarysh Sapary qyzmet kórsetkenimen, jasandy intellektke negizdelgen keshendi júieler jetkiliksiz.
Sonymen qatar, tótenshe jaǵdailar týraly eskertý júieleri halyqtyń tek 50,5%-yn qamtidy. Qarjylandyrýdyń da jetkiliksiz ekeni aityldy.
Osyǵan bailanysty depýtat Úkimetke sel qaýipsizdigi boiynsha biryńǵai baǵdarlama ázirleýdi, qorǵanys infraqurylymyna aýdit júrgizýdi, eskertý júielerin 100% qamtýdy jáne zamanaýi boljaý tehnologiialaryn engizýdi usyndy.
