Foto: Májilis
Májilis otyrysynda depýtat Qaraqat Ábden áielderge arnalǵan qysqartylǵan jumys kúni júiesin engizý týraly bastama kóterdi. Bul usynys premer-ministrge joldanǵan saýalda aityldy, dep habarlaidy Ult.kz.
Depýtattyń aitýynsha, áielderdiń bilik jáne memlekettik qyzmettegi úlesin arttyrý úshin júieli sharalar qajet. Ol "Aýyl" fraktsiiasynyń atynan sóilep, sońǵy jyldary aýdan ákimi laýazymyna áielderdiń kóbirek taǵaiyndalǵanyn atap ótti. Degenmen, olardyń jalpy saiasi qyzmetterdegi úlesi 15%-dan aspaǵan. IPU Parline reitingine sáikes, Qazaqstanda saiasi laýazymdardaǵy áielderdiń úlesi boiynsha álemdegi 183 eldiń ishinde 124-orynda ekeni belgili boldy. Ózbekstanda áielderdiń zań shyǵarýshy palatadaǵy úlesi 38%-ǵa jetse, Qazaqstandaǵy máslihattarda 21%-dy quraidy.
Qaraqat Ábden oblystyq ákimdikterde basshylyq qyzmettegi áielderdiń úlesi nebári 10% ekenin alǵa tartyp, aimaqtardy áli de erlerdiń basqaryp otyrǵanyna nazar aýdardy. Osy máselege qatysty depýtat áielderdiń kóshbasshylyǵyn damytý úshin naqty sharalardy usyndy.
Áielderdiń jumysyn qoldaý úshin usynystar:
1. Qysqartylǵan jumys kúni – Skandinaviia elderiniń úlgisi boiynsha qysqartylǵan jumys kúnin engizý arqyly áielderge otbasyna kóbirek ýaqyt bólýge múmkindik berý.
2. Balabaqshalar men balalar bólmeleri – Táýlik boiy jumys isteitin balabaqshalar ashý jáne jumys oryndarynda balalar bólmelerin jabdyqtaý.
3. Uzartylǵan dekrettik demalys – Aqyly dekrettik demalysty eki jylǵa deiin uzartý.
4. Áielderdi qorǵaý – Jumys oryndarynda áielderdi kemsitýden qorǵaý sharalaryn kúsheitý.
Depýtat osy usynystardy úkimetke qaraýǵa shaqyryp, áielderdiń mansaptyq ósýine kedergi keltiretin faktorlardy joiý arqyly genderlik teńdikke qol jetkizýge bolatynyn atap ótti.
