Eldegi jáne álemdegi epidemiologiialyq jaǵdai turaqty bolǵanyna qaramastan, zertteýshiler revaktsinatsiia alý qajet ekenin aitady, óitkeni adam aǵzasyn virýstan saqtandyrý úshin kúshti qorǵanys qajet. Bul týraly Sanitariialyq-epidemiologiialyq baqylaý komitetiniń resmi ókili Erjan Baitanaev aitty, - dep habarlaidy Tengrinews.kz agenttigi.
"Alda aýrýdyń ósýi popýliatsiiadaǵy omikron shtamynyń BA.4/VA.5 sýbvarianttarymen taralýyna bailanysty bolýy múmkin, olar aldyńǵy túrlerine qaraǵanda, immýnitetti ainalyp ótý qasietine ie.
Sonymen qatar, aýrýdyń ózinen basqa, koronavirýstyń jańa nusqalary postkovid sindromynyń damýyna ákelýi múmkin, bul jyldar boiy jaǵymsyz belgilerdiń jalǵasýyn, tipti múgedek bolyp qalý qaýpin tóndiredi", - dedi ol.
Onyń aitýynsha, aýrý asqynǵan jaǵdaida bul tiimdi qural bola alady.
"Revaktsinatsiia elimizde aýrýhanaǵa jatqyzýǵa qarsy tiimdi jáne aýrýdyń aýyr, asqynǵan jaǵdailaryna qarsy 98,6 paiyz tiimdi bolady. Sonymen qatar, bul postkovid sindromnan qorǵaýǵa múmkindik beredi.
Qazaqstan densaýlyq saqtaý ministrliginiń usynymdaryna sáikes keiingi alynǵan ekpeden nemese aýyrǵannan keiin jarty jyl aralyǵymen qaita vaktsinatsiialaýǵa bolady", - dedi Erjan Baitanaev.
