Densaýlyq saqtaý ministri Alektsei Tsoi Qazaqstanda koronavirýs infektsiiasyn juqtyrýshylardyń kúrt ósý sebebin túsindirdi, dep habarlaidy QazAqparat.
«Kúrt ósýdiń sebebi mynada: Birinshi kezekte aqparattyq alańda «bizden koronavirýs infektsiiasy kóship ketti» degen áńgime aýanynan senip qaldyq. Uzaq karantin sharalarynan keiin halyq bosańsyp ketti. Jaily aýa raiy, jaz... Karantinnen keiingi ýaqytty adamdar qýana qarsy aldy», - deidi Aleksei Tsoi «24 kz» arnasyna bergen suhbatynda.
Ministrdiń aitýynsha, qazaqstandyqtar kópshilik oryndarda maska kimei, qaýipsizdikti saqtamaǵan
«Naqty aitatyn dúnie virýspen biz áli uzaq kúresetin bolamyz. Bári de ózimizge, áleýmettik qashyqtyqty saqtaýymyzǵa bailanysty. Shyntýaitynda maska kiiý bizdiń ómirimizdiń saltyna ainalýy kerek. Úlken kompaniialarda júrip, qashyqtyqty saqtaý kerektigin umytyp ketken sekildimiz. Jalpy bosańsý, belsendilik, adamdardyń bir-birin jaqyn aralasa ketýi – virýstyń odan ary keń taralýyna jol ashty», - deidi ministr.
