«Qazgidromet» RMK direktory Danara Álimbaeva aldaǵy demalys kúnderi aýa raiy qandai bolatynyna qatysty boljamymen bólisti, dep habarlaidy "Ult aqparat".
«Aldaǵy 24-26 shildedegi demalys kúnderiniń aýa raiyna keler bolsaq, Qazaqstan aýmaǵynyń basym bóliginde ylǵaldy jáne salystyrmaly túrde salqyn aýa massasyn ákeletin antitsiklon qalyptasady. Turaqsyz aýa raiy kútilýde. Elimizdiń soltústik jáne shyǵys óńirlerinde kún kúrkirep, daýyldy jel men qatty jańbyr kútiledi. Burshaq túsýi de yqtimal. Tek respýblikanyń batys aimaqtarynda kún ashyq bolady», - dedi Danara Álimbaeva OKQ-da ótken baspasóz máslihatynda.
Onyń aitýynsha aýa raiy ońtústik jáne ońtústik shyǵysta 30-39 gradýs, Mańǵystaý oblysynyń ońtústiginde 43 gradýske deiin ystyq aýa raiy saqtalady. Qazaqstannyń shyǵysynda 25-30 gradýs, ońtústik 33 gradýsqa deiin barady. Respýblikanyń batysy men soltústiginde ystyq azdap basylady. Batysta 22-31 gradýs aralyǵynda, soltústik jartysynda aýa raiy 20-25 gradýs bolyp, salqyndaidy.
«Aldaǵy kúnderde elordada jańbyr kútilýde. 24-25 shildede keide kún kúrkirep, kúshi 15-20 m/s bolatyn jel men qatty jańbyr bolatyny boljanady. Burshaq jaýýy da yqtimal. Aýa temperatýrasy túnde 16-18 gradýstan 12-14 gradýsqa deiin, kúndiz 22-24 gradýstan 20-22 gradýsqa tómendeýi boljanady. Almatyda naizaǵai oinap, ótkinshi jańbyr jaýady. Naizaǵai bolǵan kezde jeldiń sekýndyna 12 metrge deiin kúsheietini kútiledi. 26 shildede aýa raiy jaýyn-shashynsyz bolady», - dedi ol.
