Qazgidromet 30 mamyr – 1 maýsymǵa arnalǵan aýa raiy boljamyn jariialady, dep habarlaidy "Ult aqparat".
«Skandinaviia túbeginen jyljyǵan antitsiklon Qazaqstan aýmaǵyna temperatýranyń azdaǵan tómendeýine alyp keledi. Jazdyń basynda aýa temperatýranyń joǵarylaýy kútilýde. Tek soltústik bóliktiń kei jerlerinde atmosferalyq frontaldy bólikterdiń ótýine bailanysty, kún kúrkirep, ótkinshi jańbyr jaýady. Al ońtústikte, Iran aýdandarynan jyly aýa massalarymen ystyq jáne qurǵaq aýa raiy saqtalady. Kei jerlerde jel kúsheiip, ońtústikte shańdy daýyl soǵady», - delingen habarlamada.
