Qazaqstanda demalys aimaqtarynyń jumysyna shekteý engiziledi. Bul týraly QR Ishki ister vitse-ministri Aleksei Kalaichidi aityp berdi, dep habarlaidy QazAqparat.
«Ókinishke qarai, tipti úi jaǵdaiynda azamattar kóptep jinalyp, merekelik, bata oqý jiyndaryn ótkizip keledi. Ázirge mundai 48 fakti tirkeldi. Ásirese Atyraý (14) men Shymkent (11) qalalarynda zańbuzýshylyqtar kóp. Osyǵan bailanysty qaýipti infektsiialyq aýrýdy taratpaý maqsatynda demalys aimaqtarynyń jumysyna da shekteý engiziledi. Sondyqtan el turǵyndaryna munyń qaýipsizdik úshin qajetti shara ekenin aitqym keledi», - dedi spiker Ortalyq kommýnikatsiialar qyzmetinde ótken onlain brifingte.
Vitse-ministr koronavirýs infektsiiasyn jeńgen memleketterde birinshi orynda – azamattardyń ózindik tártibi turǵanyn atap ótti.
«Árqaisysymyz qaýipsizdik sharalaryn saqtap júrsek, elimizdiń epidemiologiialyq jaǵdaiy da jaqsarady. Bul - ózimiz ben jaqyndarymyzdyń ómiri úshin mańyzdy», - dedi A. Kalaichidi.
