Nur-Sultan qalasynyń ákimi Altai Kólginov vaktsina alýǵa nietti turǵyndardyń sany kúrt artqanyn málim etti, dep habarlaidy "Ult aqparat".
«Qabyldanǵan sharalardyń nátijesinde vaktsina alýǵa niet bildirgenderdiń sany 5 esege artty. Eger mamyr aiynyń ortasynda kúnine 1000-1500 adam vaktsina alsa, maýsym aiynyń qazirgi kúnderi 7 myńnan astam adam egilýde. Statsionlarlarda dári-dármek pen meditsinalyq qural-jabdyqtardyń jetkilikti qory qalyptastyrylǵan», - dedi ákim Úkimet otyrysynda.
Sondai-aq, ol qalada syrqattaný deńgeiiniń ósýin virýstyń «Delta» shtamynyń tirkelýimen bailanystyrdy.
«COVID-19 indetin juqtyrǵan adamdardyń sany mamyr aiynda 10 myńnan asqan bolsa, maýsym aiynyń basynda birshama turaqtalyp, 2 myń jaǵdaiǵa deiin azaiǵan bolatyn. Alaida maýsym aiynyń ortasynan bastap virýstyń «Delta» shtamynyń anyqtalýyna bailanysty aýrýdyń kúrt ósýi baiqaldy», - dedi Altai Kólginov.
