Foto: Polisia.kz
Petropavlda alaiaqtyqqa kúdikti ustaldy, - dep habarlaidy Ult.kz Polisia.kz-ke silteme jasap.
Petropavl qalasynda alaiaqtyq jasady degen kúdikpen azamat ustaldy. Alaida jábirlenýshilerdiń keibiri keltirilgen shyǵynǵa qaramastan, uzaq ýaqyt boiy politsiiaǵa júginbei, ýáde etilgen qyzmettiń oryndalýyn kútken.
Alaiaqtyqqa qarsy is-qimyl sharalary barlyq politsiia bólimsheleri tarapynan júieli túrde júrgizilýde. Soltústik Qazaqstan oblysy politsiia departamentiniń ekstremizmge qarsy is-qimyl basqarmasy qyzmetkerleri 37 jastaǵy qala turǵynynyń alaiaqtyq áreketterge qatysy bolýy múmkin ekendigi týraly jedel aqparat alǵan.
Aldyn ala málimetterge sáikes, kúdikti jeke tasymalmen ainalysa otyryp, jolaýshylardyń senimine kirip, júrgizýshi kýáligin rásimdeýge kómektesetinin usynǵan. Mundai "deldaldyq qyzmettiń" quny 100 myńnan 200 myń teńgege deiin baǵalanǵan. Keiinnen ártúrli qujattardy rásimdeý syltaýymen qosymsha qarajat talap etilgen.
Ekstremizmge qarsy is-qimyl basqarmasynyń qyzmetkerleri alynǵan aqparatty jan-jaqty tekserip, kúdiktini ustady. Belgili bolǵandai ol buǵan deiin múliktik qylmystar úshin qylmystyq jaýapkershilikke tartylǵan. Qazirgi ýaqytta is boiynsha tórt jábirlenýshi anyqtaldy. Aita ketý kerek, olardyń eshqaisysy politsiiaǵa óz erkimen júginbegen. Keltirilgen jalpy shyǵyn kólemi 480 myń teńgege deiin jetken.
Is materialdary Petropavl qalalyq politsiia basqarmasyna joldanyp, sotqa deiingi tergeý amaldary júrgizilýde. Politsiia qyzmetkerleri azamattardy kúmándi deldaldardyń qyzmetine júginbeýge jáne zańdy rásimderdi ainalyp ótýdiń eleýli qarjylyq shyǵyndarǵa ákelýi múmkin ekenin este saqtaýǵa shaqyrady.
