Bala kútimine bailanysty úide otyrǵan analar 42 500 teńgeden áleýmettik tólem ala alady. Bul týraly búgin Ortalyq kommýnikatsiialar qyzmetindegi brifingte QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Bala kútimine bailanysty demalysta júrgenderdi bólek sanatqa bólmeimiz. Olar da barlyq azamattar siiaqty áleýmettik tólemge ótinish bere alady. Biraq dekrette júrgen áielderge qatysty bir erekshelik bar. Taǵy da aitam, olarǵa 1 jylǵa deiin bala kútimine bailanysty járdemaqy tólenedi. Al balasy 1 jastan asqandarǵa 42 500 teńge áleýmettik tólem alýǵa bolady. Máselen, bir áiel kompaniiadan 3 jylǵa deiin aqysyz demalysta júr. Osyǵan bailanysty biz sizderge ózin-ózi jumyspen qamtyǵandar retinde bir ret biryńǵai jiyntyq tólemin jasaýǵa ruqsat beremiz», - dedi ol.
Onyń aitýynsha, ministrlik dekrettegi áieldiń resmi ne beiresmi jumys istegendigin dáleldei almaidy.
«Sondyqtan balasy 1 jastan asqan dekrettegi áielder úide tiginshilikpen, taǵam pisirip satýmen ainalyssa, biraq, esh jerde tirkelmese, onda BJT tólep, ózin-ózi jumyspen qamtyǵan dep belgi qoiý arqyly ótinish bere alady. Biz áleýmettik tólem tóleimiz. Teksergende 1 jastan asqan balasynyń bar-joǵyn ǵana qaraimyz», - dedi ministr.
Birjan Nurymbetov budan bólek, qazirgi ýaqytta bala kútimimen úide otyrǵan memlekettik qyzmette isteitin áielderge 42500 teńgeden tóleý máselesi qarastyrylyp jatqanyn aitty.
«Tótenshe jaǵdaiǵa bailanysty memlekettik organdardyń, qyzmetterdiń jumysy shektelgen. Sondyqtan birinshiden, Prezidenttiń tapsyrmasy boiynsha 80, tipti 100 paiyzǵa deiin qashyqtan jumys istep jatyr. Ekinshiden, dekrette otyrǵan analar BJT tólei almaidy. Sebebi memlekettik qyzmetkerler kásipkerlikpen ainalysa almaidy, zańmen tyiym salynǵan. Mundai jaǵdaida dekrette otyrǵan memlekettik qyzmetshiler qaitadan jumysqa shyǵa alasyzdar. Iaǵni, memlekettik organ sizdi qaitadan qashyqtan jumys isteýge alyp, jalaqy tólesin. Basqa jaǵdailarda biz barlyq memlekettik organdarǵa «bala kútimine bailanysty úide otyrǵan áielderdiń jaǵdaiyn sheshińizder» dep hat joldadyq», - dedi ministr.
