COVID-19 pandemiiasy densaýlyq saqtaý qyzmetterimen qamtamasyz etý boiynsha jahandyq progrestiń eki onjyldyǵyn artqa tastap, álemdegi kedeilikti ýshyqtyra túsedi. Bul týraly Dúniejúzilik densaýlyq saqtaý uiymy (DDU) men Dúniejúzilik banktiń jańa esebinde jazylǵan, dep habarlaidy QazAqparat BUU-nyń jańalyqtar saityna silteme jasap.
Ortaq zertteý Halyqaralyq densaýlyq saqtaý qyzmetterimen qamtý kúnine arnalǵan. Óziniń joldaýynda osy jaǵdai boiynsha BUU-nyń Bas Hatshysy Antoniý Gýterrish pendemiianyń úshinshi jyly jaqyndar aldynda halyqaralyq qoǵamdastyq tez arada ulttyq densaýlyq saqtaý júielerin nyǵaitý kerek ekenin málimdedi. Olar odan ári ádil, turaqty bolyp, halyqtyń barlyq bóligine qoljetimdi bolýy tiis.
BUU-nyń basshysy pandemiianyń, ásirese, barlyǵyna sapaly jáne qoljetimdi kómek kórstýge qabiletti densaýlyq saqtaý júieleri joq elderge qatty áser etkenin atap ótti. Eger halyqaralyq qoǵamdastyq 2030 jylǵa deiin densaýlyq saqtaý salasy qyzmetterimen barlyǵyn qamtýdy kózdep otyrsa, Antoniý Gýtterishtiń aitýynsha, ulttyq úkimetter ortaq iske birge jumylýy kerek.
«Alǵashqy meditsinalyq-sanitarlyq kómek kórsetý, sonymen qatar marginaldanǵan halyq bóligin qoldaý úshin densaýlyq saqtaý júielerine quiylatyn investitsiialar kólemin arttyrý kerek. Ulttyq ekonomikanyń turaqtylyǵyn qamtamasyz etý úshin densaýlyq saqtaý júielerin daǵdarysqa deiin nyǵaitý qajet», - dedi BUU-nyń Bas hatshysy.
Antoniý Gýterrishtiń aitýynsha, ótken jyly COVID-19-ǵa qarsy vaktsinanyń túrli toptar arasynda teń bólinbeýi adamzattyń qaltaly bóliginiń egoizminiń kórinisi boldy. «Bizge bul qaiǵyly jaǵdaidan sabaq alý kerek. Pandemiia barlyǵynda aiaqtalmaiynsha, eshkimge aiaqtalmaidy» - dedi BUU Basshysy.
«2020 jyly pandemiia meditsinalyq qyzmetterdiń jumysyn buzdy, saldarynan ulttyq densaýlyq saqtaý júielerine salmaq tústi. Sońǵy on jylda birinshi ret halyqty immýndaý azaiyp, týberkýlez ben bezgekten bolǵan ólim sany artty», delingen atalǵan uiymdardyń baiandamasynda.
Pandemiia saldarynan 1930 jylǵy ekonomikalyq daǵdarys qaita bastaldy, adamdar eń qajetti meditsinalyq kómekti tóleýge qinalyp otyr.
«Bizdiń artyq ýaqytymyz qalmady. El úkimetteri tez arada densaýlyq saqtaý qyzmetterin árbir adam alýy úshin jaǵdai jasap, adam basyna shaqqandaǵy memlekettik qarjylandyrý kólemin arttyrý kerek» - dedi Tedros Gebreiesýs.
