Dúniejúzilik densaýlyq saqtaý uiymy assambleiasynyń 73-sessiiasyna Qazaqstan delegatsiiasy onlain formatta qatysty, dep habarlaidy "Ult aqparat".
«Dúniejúzilik densaýlyq saqtaý uiymyna COVID-19 daiyndyq, halyqty aqparattandyrý men ózge de mańyzdy taqyryptar jóninde bergen tehnikalyq usynymdary úshin alǵys aitamyz. Biz júieni nyǵaitý úshin sharalar jasadyq. COVID-19 virýsymen kúreske bastapqy meditsinalyq-sanitarlyq kómek kórsetýdi qostyq. Juqtyrý jaǵdailaryn toqtatý úshin barlyǵyn jasap jatyrmyz, álsiz toptarǵa kóńil bólýdemiz. Taǵy bir mańyzdy másele - tsifrlyq tehnologiialardy keńinen qoldaný. Bul koronavirýspen tiimdi kúresý úshin jańa múmkindikterdi beredi», - dedi QR DSM Taýarlar men qyzmetterdiń qaýipsizdigi men sapasyn baqylaý komitetiniń tóraǵasy Timýr Sultanǵaziev Dúniejúzilik densaýlyq saqtaý assambleiasynyń 73-sessiiasynda.
Spiker Qazaqstannyń bastapqy meditsinalyq-sanitarlyq kómek róline qatysty barlyq erejege airyqsha mán beretinin atap ótti.
«Munda bastapqy meditsinalyq-sanitarlyq kómektiń mańyzdy ekenin basa aitqym keledi. Ol koronavirýspen kúreste airyqsha ról atqarady. Bastapqy meditsinalyq-sanitarlyq kómek salasynda bekitilgen basty ustanymdardy saqtaý qajet. Barlyǵymyz COVID-19 qarsy kúreste birigip, vaktsina men tiimdi emdeý tásilderin jasaýymyz kerek. Barlyq meditsinalyq qyzmetkerge jankeshti eńbegi úshin alǵys aitqymyz keledi, bul daǵdarysty birlesip qana jeńe alamyz», - dedi T. Sultanǵaziev.
