2021 jyly bes ai ishinde koronavirýs juqtyrý jáne ólim jaǵdailary 2020 jylǵa qaraǵanda kóbirek tirkelgen. COVID-19 pandemiiasy álem halqy úshin áli de úlken qaýip tóndiredi.
Bul týraly Dúniejúzilik densaýlyq saqtaý assambleiasynyń ashylýynda Dúniejúzilik densaýlyq saqtaý uiymynyń bas direktory doktor Tedros Gebreiesýs málimdedi, dep habarlaidy BUU jańalyqtar ortalyǵy.
Ol virýstyń taralýyn ár elde baqylaýǵa alǵanǵa deiin pandemiia aiaqtalmaitynyn atap ótti. Qazir eshbir el turǵyndaryn vaktsinalaý deńgeii qanshalyqty joǵary bolsa da ózin koronavirýsty jeńdi dep sanai almaidy.
«Qazirgi vaktsinatsiia salasyndaǵy daǵdarys – bul pandemiiany uzartatyn teńsizdiktiń aiqyn kórinisi. Tek 10 elde barlyq ekpeniń 75 paiyzdan astamy jasaldy», - dedi doktor Tedros.
«Bul ideiany eshqandai diplomatiialyq formada ustaý múmkin emes, vaktsinalardyń kóp bóligin óndiretin jáne satyp alatyn elderdiń shaǵyn toby álemniń qalǵan bóligindegi jaǵdaidy baqylaidy», – dep sózin tolyqtyrdy ol.
DDSU basshysynyń aitýynsha, osy kúnge deiin jasalǵan ekpelerdiń dozalary neǵurlym ádil bólingen jaǵdaida álemdegi barlyq meditsina qyzmetkerleri men egde jastaǵy adamdarǵa jetkilikti bolar edi.
Doktor Tedros búgingi tańda COVAX bastamasy aiasynda 125 elge 72 million vaktsina dozasyn jetkizýge bolatynyn eske saldy.
«Bul olardyń halqynyń bir paiyzyn vaktsinalaýǵa áreń jetedi», - dedi ol.
DDSU basshysy damyǵan elderdi preparattardy kedei memlekettermen, sonyń ishinde COVAX arqyly bólisýge shaqyrdy.
Ol Dúniejúzilik densaýlyq saqtaý uiymynyń halyqaralyq qoǵamdastyqtyń aldyna qoiǵan maqsattary týraly aitty. Biylǵy jyldyń qyrkúiegine qarai ár el halqynyń keminde 10 paiyzyn jáne jyldyń sońyna qarai 30 paiyzyn vaktsinalaý.
«Bul ólim jaǵdailary men aýrýdyń aýyr túriniń aldyn alady, meditsina qyzmetkerlerin qorǵaidy jáne ekonomika men qoǵamdyq ómirdi qaita bastaidy», – dedi doktor Tedros.
