Dúniejúzilik densaýlyq saqtaý uiymy (DDSU) 28 jeltoqsanda "koronavirýstyń jańa túri "Omikron" aýrýdy asqyndyrmasa da, densaýlyq saqtaý júiesine salmaq túsirýi múmkin, birqatar elderde koronavirýs juqtyrǵandar rekordtyq kórsetkishke jetti" dep málimdedi. Bul týraly Azattyq jazady.
Qytai men Eýropanyń kóptegen eli indetti tejeý úshin karantindi kúsheitti. Aqparatqa qaraǵanda, 24 jeltoqsannan beri álemde "Omikronǵa" bailanysty qyzmetkerler sany qysqarǵandyqtan, túrli baǵyt boiynsha 11 500 reis ushpai qalǵan.
Frantsiia, Italiia, Portýgaliia men Ulybritaniia Rojdestvo merekesinen keiin naýqastardyń rekordtyq kórsetkishin tirkedi. AQSh-ta keiingi eki aptada naýqastar eki esege kóbeigen.
Sarapshylar jyldam ári ońai tapsyratyn koronavirýs testi bolmaǵandyqtan jáne koronavirýs simptomsyz nemese tumaýǵa uqsas kúide kelgendikten shyn máninde naýqastar kórsetkishi resmi derekten áldeqaida kóp bolýy múmkin dep topshylaidy.
DDSU "Omikron" aýrýdy asqyndyrmasa da oǵan jaibaraqat qaraýǵa bolmaitynyn eskertti. DDSU-nyń Eýropadaǵy kovid máselesi boiynsha úilestirýshisi Ketrin Smolvýd "Omikronnyń" jyldam taraýy aýrýhanadaǵy naýqastardyń, onyń ishinde vaktsina almaǵan naýqastardyń kóbeiýine áser etip, densaýlyq saqtaý júiesi men ózge de negizgi qyzmet kórsetý salasyna salmaq túsirip jatyr dep málimdedi.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036
