Nur-Sultan qalalyq fýtbol federatsiiasy qaýymdastyǵynyń kezekten tys konferentsiiasy ótti. Onda basty másele retinde qalalyq federatsiia prezidentin kezekten tys sailaý jaiy qaraldy, dep habarlaidy "Ult aqparat".
Federatsiianyń Instagram paraqshasynda jariialanǵan aqparatqa sáikes, konferentsiia qorytyndysynda uiym basshylyǵyna tanymal fýtbolshy David Loriia keldi.
David Loriia Qazaqstan, Resei, Túrkiia, Shvetsiia klýbtarynda óner kórsetip, Qazaqstan quramasynyń sapynda jastar álem chempionatynda oinaǵan. Qazaqstannyń ulttyq quramasy sapynda 45 oiyn ótkizgen. Ol - elimizdiń úsh dúrkin chempiony, kýbok iegeri.
Fýtbolshy retindegi sport mansabyn aiaqtaǵannan keiin sport menedjmenti mamandyǵy boiynsha bilim ala bastaǵan. ÝEFA jelisinde de bilimin jetildirgen.
Aita keterligi, David Loriianyń kandidatýrasyn osy kúnge deiin federatsiia prezidenti bolǵan Málik Hasenov usyndy.
