Foto: videodan alynǵan kadr
Almaty qalasy Medeý aýdanynyń No2 aýdandyq soty probatsiia qyzmetiniń Nurasyl Bolatqa qatysty jazany – bas bostandyǵyn shekteýdi odan aiyrýmen aýystyrý týraly usynysyn qarady. Bul týraly Joǵarǵy sottan málimdedi.
Buǵan deiin Joǵarǵy Sot N.Bolatqa eki nemese odan da kóp adamnyń densaýlyǵyna qasaqana aýyrlyǵy ortasha ziian keltirgeni úshin (QR QK-niń107-baby 2-bóligi 1-tarmaqshasy boiynsha) 2 jylǵa bas bostandyǵyn shekteý jazasyn taǵaiyndaǵan bolatyn.
Bolat probatsiia qyzmetiniń esebine alynyp, jazany óteýdiń tártibi men sharttarymen jáne ony buzǵany úshin jaýapkershilikpen tanysqan.
«Sottalǵannyń ornalasqan jerin baqylaýdy qamtamasyz etý úshin elektrondy baqylaý quraly qoldanyldy. Osyǵan qaramastan, Bolat probatsiialyq baqylaýdyń 3 ret zań buzýshylyqtaryna jol bergen, ol sotpen zerttelgen dáleldemelermen rastalǵan. Osylaisha, sottalýshy jazasyn óteý tártibimen sharttaryn qasaqana buzǵan», - delingen sot habarlamasynda.
Qylmystyq kodekstiń 44-babynyń 3-bóligine sáikes, bas bostandyǵyn shekteýdi óteýden qasaqana jaltarǵan jaǵdaida onyń ótelmegen merzimi bas bostandyǵyn shekteýdiń bir kúnine bas bostandyǵynan aiyrýdyń bir táýlik mólsherinde bas bostandyǵynan aiyrýmen aýystyrylady.
Sot probatsiia qyzmetiniń ótinishhatyn negiz dep tanyp, ony qanaǵattandyrdy.
N.Bolatqa bas bostandyǵyn shekteý túrindegi jazasy ótelmegen merzimge 1 jyl 5 ai 10 kúnge bas bostandyǵynan aiyrýmen aýystyryldy.
Qaýly zańdy kúshine engen joq.
