Foto: Mádeniet jáne aqparat ministrligi
Almatylyq «Qairat» klýbynyń 17 jastaǵy shabýylshysy Dastan Sátpaevqa “Daryn” jastar syilyǵy tabystaldy, dep habarlaidy Ult.kz.
Marapatty Qazaqstan Respýblikasy Premer-ministriniń orynbasary – Mádeniet jáne aqparat ministri Aida Balaeva tapsyrdy. Jas fýtbolshy 2025 jylǵy syilyqtyń “Sport” nominatsiiasy boiynsha laýreat atandy.
Aida Balaeva óz sózinde Dastan Sátpaevtyń joǵary nátijelerimen qatar, óskeleń urpaqqa úlgi bolyp júrgenin atap ótti. Sondai-aq onyń jastardy sportqa baýlyp, salaýatty ómir saltyn nasihattaýdaǵy eńbegi joǵary baǵalandy.
Aita keteiik, 2025 jyly osy nominatsiia boiynsha áielder arasynda eki dúrkin álem chempiony, boksshy Aida Ábikeeva da jeńimpaz atanǵan.
Dastan Sátpaev 2025 jyly «Qairat» klýbynyń úzdik surmergeni atanyp, komandasymen birge el chempionatynda top jardy. Sonymen qatar, ol Chempiondar ligasynyń negizgi kezeńine shyǵýǵa eleýli úles qosty.
Jas fýtbolshy 16 jasynda Angliianyń «Chelsi» klýbynan shaqyrtý alǵan.
