Foto: JI
Qazaqstanda halyqaralyq olimpiadalar men ǵylymi jobalar jeńimpazdaryna arnalǵan jańa norma engizildi. Jumys tobynyń otyrysynda qabyldanǵan bul túzetý arqyly endi daryndy jastar «Bolashaq» baǵdarlamasy sheńberinde bakalavriat deńgeiinde bilim alýǵa múmkindik alady. Bul týraly depýtat Ashat Aimaǵambetov óziniń Telegram-arnasynda habarlady.
Buǵan deiin «Bolashaq» tek magistratýra men doktorantýra deńgeiindegi oqýdy qarjylandyratyn. Alaida halyqaralyq olimpiadalar men ǵylymi jobalar jeńimpazdaryna qoldaý kórsetilmegendikten, kóptegen talantty oqýshylar álemniń jetekshi ýniversitetterinen usynystar alyp, shetelde oqyp, sol jaqta turaqtap qalatyn edi.
"Sáikesinshe, endi «Bolashaq» baǵdarlamasy eń daryndy oqýshylar úshin bakalavriattan bastap qoljetimdi bolady. Bul – jas talanttardy qoldap, olardy elde ustaýǵa múmkindik beretin mańyzdy jańashyldyq. Olar álemniń úzdik joǵary oqý oryndarynda bilim alyp, keiin elge oralyp, Qazaqstannyń damýyna óz úlesterin qosady", - dep jazdy Aimaǵambetov.
Depýtat bul tek daryndy balalardyń bolashaǵyna investitsiia ǵana emes, eldiń strategiialyq damýynda mańyzdy ról atqaratyn sheshim ekenin atap ótti.
