Budan bylai halyqaralyq pándik, mádeni jáne sporttyq olimpiadalarda júldeli orynnan kóringen oqýshylarǵa 4,5 mln teńgege deiin bir jolǵy ústemaqy beriledi. Bul týraly Oqý-aǵartý ministri Ashat Aimaǵambetov málimdedi, dep habarlaidy Ulysmedia.kz.
Ministrdiń aitýynsha, jeńimpazdar Ulttyq biryńǵai testileýden bosatylyp, ózi qalaǵan otandyq JOO-ǵa emtihan tapsyrmai túse alady. Olardyń ustazy men tálimgerlerine de qarjylyq yntalandyrý kórsetiledi.
«Men UBT tapsyrmaidy dep ádeii aityp otyrmyn. Mysaly, himiia boiynsha daryndy balalardy alaiyq. Mendeleev atyndaǵy úlken halyqaralyq baiqaýda júldeli boldy, biraq qazaq tili men tarihy pánderinen álsiz bolýy múmkin. Biraq sońǵy eki pánge bola himiia pánindegi bilimin qurban qylmai, qoldaý kórsetemiz. Dál osyndai salalyq daryndy balalar úshin erekshe qoldaý kórsetiledi», – dedi Ashat Aimaǵambetov.
