«Daryn» memlekettik jastar syilyǵy (budan ári – Syilyq) jemisti ǵylymi, shyǵarmashylyq jáne qoǵamdyq qyzmeti úshin daryndy jastardy memlekettik qoldaý maqsatynda eki jylda bir ret nominatsiialar boiynsha beriledi.
Ótinimder qabyldaý aiaqtalǵan kezde 29 jasqa tolmaǵan, halyqaralyq jáne respýblikalyq konkýrstardyń, festivalder men kórmelerdiń laýreattary bolyp tabylatyn Qazaqstan Respýblikasynyń azamattary, sondai-aq qyzmeti innovatsiialyq bolyp tabylatyn jáne tiisti sala men tutastai qoǵamdy damytýǵa yqpal etetin kandidattar syilyq alýǵa úmitker bolady.
Ár jyldarda «Daryn» memlekettik jastar syilyǵyna Serik Sápiev, Ilia Ilin, Olga Shishigina, Aryn Orsariev, Meiram Begentaev, Ǵalym Ahmediarov, Sara Toqtamysova, Mahat Sadyq, Rinat Kertaev, Dihan Qamzabekuly, Dosymjan Tanatarov, Áigúl Imanbaeva siiaqty belgili talantty tulǵalar, «Mýz ART», «Jigitter», «Ulytaý» toptary ie boldy.
«Daryn» memlekettik jastar syilyǵy mynadai nominatsiialar boiynsha beriledi (sany 10): ǵylym, ádebiet, jýrnalistika, sport, halyq shyǵarmashylyǵy, dizain jáne beineleý óneri, estrada, teatr jáne kino, klassikalyq mýzyka, qoǵamdyq qyzmet.
Syilyq bir ýaqytta birneshe izdenýshige berilýi múmkin, bul jaǵdaida onyń aqshalai bóligi olardyń arasynda teń bólinedi. Syilyqty qaita berýge jol berilmeidi. Bir kandidatýrany bir nominatsiiadan artyq syilyq alýǵa usynýǵa bolmaidy.
Syilyq avtorlar ujymyna berilse, onyń aqshalai bóligi olardyń músheleri arasynda teń bólinedi.
Ortalyq, jergilikti jáne ózge de memlekettik organdar, qoǵamdyq birlestikter jáne Qazaqstan Respýblikasynyń zańnamasynda belgilengen tártippen tirkelgen ózge de zańdy tulǵalar ýákiletti organǵa mynadai qujattardy: qoldaýhat pen syilyq alýǵa izdenýshiniń jetistikteri týraly anyqtamany qaǵaz jáne elektrondyq túrde jiberedi.
Komissiianyń spektaklderdi, kino jáne telefilmderdi, kórmelerdi qaraýyn, kontserttik baǵdarlamalar men mýzykalyq shyǵarmalardy tyńdaýyn, izdenýshiniń qyzmetimen tanysýyn uiymdastyrý usynýshy uiymdarǵa júkteledi.
Syilyq berý týraly sheshim Qazaqstan Respýblikasynyń Úkimeti ony qabyldaǵan kezden bastap kúshine enedi. Syilyqtar saltanatty jaǵdaida tapsyrylady, marapattaý rásimi Qazaqstan Respýblikasynyń Táýelsizdik Kúnine orailastyrylady.
Syilyq alǵan adamdarǵa «Daryn» memlekettik jastar syilyǵynyń laýreaty» ataǵy beriledi, diplom, omyraýǵa taǵatyn belgi jáne aqshalai syilyq tabys etiledi
Izdenýshilerdiń joǵaryda atalǵan qujattary 2016 jylǵy 12 qyrkúiek - 14 qazan aralyǵynda Qazaqstan Respýblikasy Bilim jáne ǵylym ministrliginiń Jastar saiasaty departamentine myna meken-jai boiynsha qabyldanady: 010000, Astana q., Orynbor kóshesi 8, Ministrlikter úii (11 kireberis), 240 kab. tel. 74-22-70, 74-22-90, daryn2016mon@mail.ru
