Otandyq BAQ salasyn damytý máselelerine arnalǵan dóńgelek ústel jiynynda Májilis depýtaty Darhan Myńbai BAQ-tyń qoǵamdyq sanaǵa áseri týraly aitty, dep habarlaidy QazAqparat.
Depýtat BAQ salasynda qol jetken tabystar da barshylyq, sheshimin tappaǵan máselelerde jetkilikti ekenin aita kele, olardyń saraptaý úshin osyndai jiyndardyń mańyzy zor ekenin atap ótti.
«BAQ salasyndaǵy negizgi máselelerge toqtalsaq, aldymen kásibi jýrnalisterdi daiarlaý isine mán berý kerek. Olardy áýesqoi jýrnalisterden ajyrata bilý mańyzdy. Salanyń obalyn kásibi jýrnalistikadan kórmesin desek, arnaiy JOO-lardyń, BAQ ujymdarynyń, qaýymdastyqtardyń yntymaqtastyǵyn kúsheitý qajet. Áleýmettik jelilerdiń damýyna da kásibi jýrnalister kóp úles qosýda. Blogerlerdiń sheberlik sabaǵyn, lektsiialaryn uiymdastyrsa, durys bolar edi. Salalyq mamandandyrý úrdisin jalǵastyryp, 30 eldiń qataryna qosylý úshin salalyq jýrnalistikanyń tynysyn ashyp, dúniege kórshiniń kózimen qaraý, álemdi qońsynyń qulaǵymen tyńdaý ádetinen arylýymyz kerek», – dedi Darhan Myńbai.
Sonymen qatar, depýtat memlekettik tapsyrys kólemin ulǵaitý, ony oryndaý kriteriilerin ózgertý, elimizdiń zańdaryn tiimdi paidalaný, sonyń ishinde aqparatqa qol jetkizý máselelerine nazar aýdardy.
