Foto: gov.kz
Ǵylym máseleleri boiynsha túzetýler aiasynda dárilik zattardy tirkeý jáne qaita tirkeý tártibin kompozittik memlekettik qyzmet formatynda ońtailandyrý normalary maquldandy. Bul dárilik preparattardy tirkeý merzimin 210 kúnnen 100 kúnge, iaǵni eki eseden artyq qysqartýǵa múmkindik beredi. Bul týraly Májilistiń jalpy otyrysynda aityldy, dep habarlaidy Ult.kz.
Sonymen qatar Densaýlyq saqtaý ministrligine farmatsevtikalyq kompaniialardyń ótinimderin kútpei-aq, Qazaqstan úshin qajetti dárilik zattardy tirkeýge óz betinshe ótinim berý quzyreti beriledi. Budan bólek, dárilik zattardy óndirýde qoldanylatyn zattar men sýbstantsiialardyń sapasyn baqylaý tetigi engiziledi.
Sondai-aq densaýlyq saqtaý salasynda referens-ortalyqtar qurý týraly túzetýler maquldandy. Olar joǵary tehnologiialyq meditsinalyq kómektiń biryńǵai standarttaryn qamtamasyz etip, diagnostikanyń dáldigin arttyrýǵa jáne densaýlyq saqtaý júiesine ádistemelik qoldaý kórsetýge baǵyttalǵan.
