Foto: Azattyq Rýhy
Astanada psihiatriialyq ortalyqta meditsina qyzmetkerine kúsh kórsetken er adamǵa qatysty qylmystyq is qozǵaldy. Bul týraly qalalyq politsiia habarlady.
Oqiǵa ornynda 47 jastaǵy er adam ustaldy. Oǵan Qylmystyq kodekstiń 380-3-baby — bilik ókiline qatysty qorqytý nemese kúsh qoldaný faktisi boiynsha aiyp taǵylyp otyr.
Belgili bolǵandai, er adam psihiatriialyq ortalyqtyń qabyldaý bólimine týysyn kórý úshin kelgen. Kezekshi feldsher odan jeke derekterin tirkeýdi jáne qabyldaý tártibin saqtaýdy suraǵan. Alaida kelýshi talapty oryndaýdan bas tartyp, meditsina qyzmetkerine qol kótergen.
Shabýyl sáti beinejazbaǵa túsip, áleýmettik jelilerde tarady. Oqiǵadan keiin kúdikti oqiǵa ornynan boi tasalaǵanymen, kóp uzamai politsiia tarapynan ustaldy.
Qazir atalǵan fakti boiynsha tergeý amaldary júrgizilip jatyr.
